莫雷拉今晚（6日）谷戰又停賽，不過其波士蔡約翰並無放軟手腳，繼續派出強陣迎戰。早前潘頓騎蔡廐馬合作愉快，今戰再有「常豐裕」及「歡喜心」聯手攻堅。

神仙亦搵埋另一高手蘇兆輝效力，夥拍「金匯昇」上陣，賽行擺明車馬。「金匯昇」上場初跑沙田大熱倒灶，此番重返谷中更具把握，相信可順利補中。

蘇兆輝外號神鞭大俠，騎後上馬固然出色，睇佢騎「鷹雄」贏馬會盃，真係值得再三回味。

不過其實呢位英國冠軍騎師騎前領馬一樣出色，例如徐雨石如果唔用見習生，就經常安排短途放頭馬由蘇兆輝主轡，表現有目共睹。

剛周日（3日）蘇兆輝騎「馬上發財」（已退役）贏澳港盃，快跟對手洞悉步速同樣發揮出色。

「金匯昇」跑法類近，過往放頭贏過，稍留亦一樣無問題，交由蘇兆輝主轡可算是最佳安排。唔少人覺得快活谷難度高，但其實直路賽一望無際，對部份質新馬而言亦不無難處。

「金匯昇」以往只跑過谷中夜馬，日光日白跑直路賽顯然陌生，因此上仗賽後莫雷拉解釋唔到敗因並不出奇。

今次回師勝途，論馬持續進步，加上有好檔（4檔）兼且強配，應可勝回一仗。

-----------------------------------------
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb