谷草C欄有得追!中外檔馬或佔上風 隨時益咗巴基系
跑馬地跑道特色C跑道巴基小子文藝學家
周三(12日)晚谷戰用C跑道,天文台預測屆時或會有驟雨,《蘋果馬經》估計當晚場地掛牌為好地。
睇番上季9月20日首次谷C欄賽事,雖然有「皇龍大師」及「埼豐」擺前帶到,不過後追馬絕對唔蝕底,如「自由飛翔」、「海利多」、「事必獲利」及「狀元才」從中後叠衝上反先對手勝出,中外檔馬亦連場建功,故此不宜過份側重抽內檔之前置馬。
今戰列陣馬中,第二場「巴基小子」曾於谷C跑道兩捷,亦是全場唯一贏過此移欄1200米之參戰馬,憑較佳場地性能可秤先。
另外,尾場「文藝學家」三次跑谷C欄獲一勝兩位未失三甲,可替騎練齊齊開齋。