當年今日
關於我們

讀者來稿撐XB360

蘋果日報 2006/05/27 00:00


電腦男同女波士霸咗咁多日,今日卒之輪到畀讀者發表吓意見。獲刊登稿件之讀者,更可得到指定遊戲精品,你又想攞?仲唔嗱嗱聲寫篇稿過嚟?
讀者BillyLee:
個人認為PlayStation就好似TVB咁,有班慣性觀眾!無論質量、價格有任何轉變,都很難改變這班忠實用家的決定!就看看XB360可否打破呢種局面。於我而言,我是比較着重功效及價錢的比例,所以我會選擇XB360及Wii!因將來很多PS3嘅Game喺XB360都會有!同一款Game,XB360很大機會便宜過PS3。XBoxLive網上服務有Microsoft支援,令服務更趨成熟及UserFriendly(無論介面、收費方法、操作等),只須繳付年費$368,便可無限次與網友網上對戰,毋須逐項收費。
次世代DVD格式,XB360提供外置式HDDVD機,讓我們多一個選擇買或不買。不用強迫大家選HD-DVD,對沒有高清電視的用家又可省回一筆。如人們批評XB360不內建次世代光碟機,但是別忘了,天下沒有白吃的午餐,內建HDDVD是要多花錢的,選購式不是更好嗎?
電腦男評語:
用TVB比喻PS系列,的確幾神似。不過慣性唔係無敵,強如超任年代嘅任天堂,打後一樣慘遭滑鐵盧!XBOXLive絕對係微軟重要嘅王牌,而且外置HDDVD機令硬件配搭更為靈活,隨時可緊貼科技潮流,毋須將開發成本過早予機迷分擔。
唔滿意本欄論點?對3大主機好多意見不吐不快?即管電郵畀我哋暢所欲言!
來稿要點:
.成功刊登稿件之作者,將獲贈遊戲精品。
.稿件字數不可超過500字,本欄有絕對刪改權。
.每段稿件請集中評論,歡迎多段式投稿。
.稿件可電郵至[email protected]
.來稿請附筆名、聯絡方法等簡單個人資料。

*得獎者請以來稿之電郵地址,補回真實姓名及身份證號碼(英文連頭4個數字便可),以便專人通知領獎事宜。