巴黎聖日耳門前鋒尼馬喺自己Twitter賣手錶廣告，咁都引發到網民指責「插水」潮？原來尼馬代言嘅手錶系列叫Diving，喺足球世界入面呢個字叫插水，而尼馬更加以「Dive with Style」賣廣告，所以網民把握抽水機會，上載佢嘅插水片段，又幫佢續寫句子——「然後獲得十二碼」，仲有網民叫佢「返巴塞」（指巴塞是插水球隊）。

其實，唔止網民，球壇都有人話過尼馬。之前曼聯領隊摩連奴批評尼馬用太多時間插水，究竟呢個廣告搵尼馬做代言，係咪最適合人選呢？