【導演疑因政見被炒】方力申拍無綫網劇停工：未知幾時再開拍
蘋果日報 2019/09/06 18:25
方力申李志倫
攝影：王連連／右：IG圖片
方力申（小方）今日到跑馬地馬場出席活動，小方穿上西裝，即場有女土為他打煲呔，小方笑言感覺很窩心，覺得若是女友為自己這樣做可增加情趣，自己又可為對方打蝴蝶結。
小方有份演出的無綫網劇《衝鋒車2019》，早前因為警民關係緊張而停拍，加上監製李志倫（Jacky）疑因政見問題被炒，小方指有傳訊息慰問對方：「拍咗3、4日就停咗工，但未收到通知幾時再開拍，我冇問過幾時再開工。」至於會否胎死腹中？小方表示不知道，對於無限期停拍也感到可惜：「做藝人手停口停梗係覺得可惜，都覺得冇咁快可以開番，但再遲就怕有撞期，有可能藝人要再夾期。」
另外，小方為準備參與慈善維港泳，最近要飲食健康及作息定時，他說：「要一早起身游水，所以調番瞓覺時間，戒酒同食健康啲，怕到時游12個鐘要大便就麻煩。」
採訪、攝影：王連連
方力申對新劇無限期停拍感可惜。
朱鑑然表示視方力申為偶像。