無綫《二○○三年度香港小姐競選》將於本周六晚假紅館舉行,昨日大會在尖沙嘴香格里拉舉行記者會,邀請當晚演出嘉賓陳小春和陳奕迅(Eason)出席宣傳,同時安排十二位候選佳麗再次會見評判。當晚將由陳百祥、鄭中基和曾志偉擔任司儀,屆時他們還會跟佳麗一起穿上泳裝亮相。
陳奕迅發牢騷
節目其中一環節由Eason、小春和謝霆鋒合作表演歌舞,表演在即,Eason昨日竟表示不知道自己表演的細節,還滿腔怨言地說:「大家覺唔覺得啲質素愈嚟愈差,連自己都控制唔到,到時係唱現場、咪嘴、定係跳舞都唔知㗎,惟有隨波逐流啦。有時間就綵排,冇時間咪執生囉,呢個問題一直都存在!」
Eason言語間似乎相當不滿工作上的安排,但節目監製衞世輝解釋說:「冇時間綵排佢應該問番唱片公司,無綫嘅大門係隨時打開,冇時間限制,藝人冇時間綵排我哋當然都會擔心演出水準。」
相反,小春和霆鋒已於前晚排練舞步,小春認為舞蹈有一定難度,現時最擔心綵排時間不足,往後會盡量抽空練習。
「要睇清楚啲」
決賽在即,7號王從希被傳曾割雙眼皮及鼻子整型,雖然王從希極力否認,但負面新聞對她始終有影響。評判之一的郭富城昨日坦言如感到佳麗真的曾經整容,對評分難免會打折扣,城城說:「我唔相信有佳麗整容,但評判角度當然係自然美好啲,所以我都會睇清楚啲,相信唔單止我,其他評判都會。」而另一位評判鄭裕玲則認為傳聞不會影響她的評分。
儘管評判對王從希整容的傳聞各有意見,但未有打擊其自信心,她說:「我唔怕會對我嘅分數有影響,因為我冇做過,但我咁大個女覺得最委屈係今次,所以喊咗好耐。」
採訪、卓寶花
攝影:林德雄