當年今日
關於我們

叫689與袁木,慳啲! - 陳也

蘋果日報 2018/12/20 05:20

l012頂級頂肺陳也一地兩檢限制出境五千萬電騙集團大灣區袁木華為公主

自稱入境處的隱晦來電,市民都接過吧。打給我那個說「閣下今日被限制出境」,打工仔心態,被限制出糧就驚,限制出境嗎?冇打算一帶一路去大灣區,連港珠澳橋都冇興趣一遊的老香港人,見到一地兩檢都眼火爆,限制出境?啱嘅,不過這個限制,係自己設定,井水河水,紅線乍現,個腦未呆,點會肯被洗、一路向西?

電騙呃咗咁耐冇換過花款,最近仍有年輕人中招,電匯廿次,損手近六百萬。有冇得追?睇張學友演唱會都會被CCTV逮個正着的強國系統,竟然對電騙束手無策?慢慢周都冇,係一直冇去周!難怪呢,有人覺得事有蹺蹊,電騙似層層,只要報警,黑錢即刻洗白,瞬間轉移,乾手淨腳。假使華為公主透過國營電騙集團,與美國眼中釘伊朗來來往往,轉N億都得,點會被滙豐篤爆呢!公主都會受騙,辯稱對方自稱溫哥華駙馬嘛。下次還有自稱特朗普新抱仔的,習大帝私生雙胞胎的,等等等等,洋洋大觀。唯一不受滾的,恐怕只有自稱689的,叫人匯五千萬去佢戶頭。嘿,如果接到這種來電,一定滿足佢,匯個double又點話,陰司都要買路錢,叫689跟袁木慳啲使,夠佢兩個用柒世!