【本報訊】與「賊王」葉繼歡相識了15年、多年來一直積極為在囚人士爭取權益的街工立法會議員梁耀忠（圖），對於葉繼歡因為患癌而病逝的消息感到非常意外，「大半年前曾經去探過佢，當時都冇講佢患癌，唔知道係咪佢自己都唔知，可能知道嘅時候已經好後期」。
街工立法會議員梁耀忠表示，過去每年最少會到監獄中探望葉繼歡一次，大半年前是二人最後一次見面的時候。梁耀忠指出，葉繼歡當時無論健康、情緒都未見有任何異樣，「當時佢同我講到兩樣嘢，一係佢要求囚犯有權睇中醫嘅官司，而另一樣嘢就係佢老婆提出離婚」。梁耀忠稱葉繼歡偶爾會提及其妻子及女兒，「佢當然係唔想離婚」。