何超蓮今日喺皇室堡為其成立「Smile with us HK」同品牌合作推動幫助聾童，首播早前合作拍攝一段宣傳短片，片中見超蓮親身以手語表達和小朋友溝通，又在現場教觀眾簡單手語。

超蓮為咗拍短片，花咗半個月時間學習手語，佢話：「其實唔算太難，老師讚我有天份，平時我哋影相手勢都有同手語雷同感覺，好似學日文、法文多咗種語言溝通，別具意義。」

超蓮近日行善為主，表示噚日到籠屋派風扇，佢話：「估唔到今時今日社會銅鑼灣都仲有籠屋，自己都會抽時間去幫助獨居長者，入到去見到有木蝨、曱甴，好需要香港人正視。」貴為千金小姐去籠屋作探訪，超蓮絕不畏懼：「我唔驚，入到去無論你係唔係千金小姐都會流晒汗好熱，第一次見到呢個情況都接受唔到，見到400呎住20人，點樣住呢？入到去聞到陣味，最初送嘢畀佢哋唔要，又唔多睬我，唔太接受，去多幾次慢慢同佢哋溝通等佢哋知道我係邊個先開始傾偈。」

超蓮話面對呢個情景會特別喊，因為唔想令到呢班長者覺得自己好慘好陰功，超蓮會聯同家姐超雲同細佬猷啟一齊幫手做善事，經過今次活動，超蓮多咗一個手語名字「蓮」，望落有啲似韓國送心心手勢 一樣。

精選娛聞，喺晒《娛果》
http://fb.com/appledailyent