年中時寫過〈WFH 成常態 白領打風或者再無假放？〉 （http://bit.ly/3g1tCrK），數日後8號風球真的來襲，白領再無「馬迷上身」狂呼8號8號，對於打風亦不如如以往期待，因為在家工作Work Form Home已令「風假」幻滅。

事隔半年，WFH已經成為常態，各大公司因應武漢肺炎設AB team上班已是指定動作，員工隨時WFH沒難度，而且運作了一段時間後，很多技術問題亦已逐步解決，現在可能只得老闆會返公司。朋友C就是其中「冇人返工都要返公司」的Startup 老闆之一。早前去到他在科學園的公司，發現還有數名同事特意返公司工作，我不禁問：「你班同事都真係好落力喎，明明WFH都仲同你返嚟做嘢。」

誰知朋友C笑言：「佢班友仔邊有咁勤力。返嚟係因為同我一樣，屋企住村屋上唔到網咋。」這才醒起，向來村屋及唐樓等地方，只有一間電訊商甚至沒有覆蓋；在獨市生意下，上網服務又貴又慢，不是被迫「shut up and take my money」就是買多一張電話卡，分享wifi予家中電腦，但快極都只不過4G，在速度以及穩定程度方面，未必足以WFH開視像會議。

在5G愈趨普及下，一般人似乎未覺得太大分別，因為本身網速已經相當之快，惟對朋友C的一班「最佳員工」來說，仍然相當有感覺。直到早前電訊商數碼通（315）推出「 Home 5G服務」，不須再等電訊商「拉線」，連村屋亦能覆蓋，加上價錢及速度都算合理，這才可以教人真正WFH，不用再返公司「扮工」。

黎兆沖

做過傳媒、撈過金融，如今投身startup 講人話

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！