【傷勢重】「綠魔」許嘉浩撐Naomi非搞事派 30歲人收火唔動粗
蘋果日報 2019/09/08 23:31
Naomi許嘉浩
Karl透露Naomi傷勢不輕，希望對方早日康復。（攝影：卓寶花）
張學潤、DJ路芙、「綠魔」許嘉浩（Karl）今晚到九龍灣文娛中心支持同志舞台劇《BOYS》。
Karl好友「小便女」馮鎵瀠（Naomi）今晨在銅鑼灣一同志酒吧玩樂時，因同行男友人遭摸下體，與同場酒客爭執，至清晨與友人離開時齊遭伏擊受傷，她去了律敦治醫院驗傷及報警處理。
Karl和Naomi份屬老友，且經常在事發酒吧聚會消遣，Karl獲悉事件後有和她聯絡，並說：「噚晚冇同佢一齊，我去咗劉晨芝生日會，知道Naomi去咗醫院同報案搞咗成日。當時情況玩完之後同人口角爭執，酒吧動武。」至於Naomi平時為人是否搞事一派？Karl說：「30幾歲嘅佢都收咗火啦，唔會挑釁人，10年前可能會指住人嚟鬧，今次係幫人，佢住銅鑼灣，諗住出去玩吓，朋友俾人騷擾勸交，飲酒最緊要開心有酒品，我認識嘅佢飲完酒會大嗌、唱歌都有，冇見過佢打人。」Karl知道Naomi傷勢不輕，手腳瘀腫兼甩牙骹，希望對方早日康復。
今次支持同性戀舞台劇，Karl表示向來支持同志、平權及藝術，曾有單位邀請他全裸上陣演舞台劇，但因心態身態未準備好而拒絕。而早前他為微電影演出中性打扮形象指導，聯同戲中演變性人的蔡淇俊一同上堂，讚對方維肖維妙。
採訪、攝影：卓寶花
Karl指好友已經收火。
張學潤和DJ路芙今晚都有現身。