黃百鳴女兒黃漪鈞（Alvina）於2010年嫁給恒生創辦人林炳炎孫兒林詩澔（Owen），當時於洲際筵開50席，全城商界及演藝名人齊到賀。
近日Owen在facebook上載與新女友Fanny的甜蜜拍拖照，Fanny無論身材和樣貌均與Alvina有幾分相似，同樣擁有大眼睛及一雙長腿，Alvina疑「冇眼睇」刪除了Owen的賬戶。Owen在上月已正式公開與新女友Fanny的關係，見Owen笑容燦爛，並在fb寫着：「覺得戀愛中」，二人不時貼出搭肩、蹺手、面貼面、伸脷及錫面珠等親暱合照，不少好友均留言送上祝福。

已冇聯絡會祝福

Alvina與Owen於13年曾傳出婚姻亮起紅燈，有指兩人即使出席同一派對場合，但各自玩之餘，散場後Alvina竟回娘家留宿，當時Alvina否認婚變。但據悉兩人已於去年分開，Alvina更經常在微博浸出失戀痛楚，去年5月寫着﹕「再次信任需要很多時間和勇氣」、「又失眠了」等，去年7月再轉貼幾米漫畫集：「愛上一個不該愛的人，就像用手握住一只刺猬一樣。痛，但又放不下，怕它掉下去之後會怎樣，所以一直緊握着它，而它被你得很痛，你卻自私地以為這就是愛．．．．」本報昨日致電Alvina，告知前夫已有新歡，她承認於去年已離婚：「都冇聯絡，未見過個女仔，會祝福佢。」
採訪：嵐山