【本報訊】「我好錫佢,暑假仲買咗件衫準備送畀佢……佢𠵱家已經去咗天父嗰度安息啦……。」循道中學女校長彭淑美,昨日憶述陳潤基老師的生平時,忍不住潸然落淚。陳潤基前日被發現離奇浮屍大欖黃泥墩水塘,有說他是行山失足致死,亦有人懷疑他不堪工作壓力而在開學前夕自殺身亡,真相可能永遠成謎,但他的同事和學生都會懷念這位好老師,校方計劃下周舉行追思會以作悼念。
死者陳潤基(41歲)在油麻地名校循道中學任教了13年,到任只有兩年的女校長彭淑美表示,「我05年接手做校長時,曾與各位老師個別面談,覺得陳老師好好傾,做人認真,熱愛教育工作,愛錫同學,仲對我嘅改革工作畀咗好多鼓勵同支持,曾經E-mail畀我叫我加油。」