(新增影片)

笑言因為「榴槤結緣」嘅鄧達智，與同性醫生密友Clement上月訂婚，愛得坦然。另一半是醫生，自己是新界圍村鄧姓後人，兩人承受的壓力，可想而知。

兩人關係曝光之初，Clement的朋友頗有微辭，但Clement反過來安慰鄧達智，說，Day 1跟他一齊，「呢件事遲早會發生，只係遲定早。」

鄧達智一次訪問中曾說，明白自己不容易有感情生活，「因為好多人係怕，一見風吹草動，就會飛撲離開」，也令他回想起，當年哥哥張國榮同唐鶴德被拍到，唐唐有一段時間拒見哥哥——鄧達智稱；「佢係公立醫院醫生都咁，我諗咁嘅情況係萬中無一，既然咁都俾我撞到，我唔可以失落咗佢。」

婚已訂，但「投訴聲音」仍然很多——因為好多朋友都未獲邀出席觀禮，Clement的朋友當日亦未獲邀；既然大家都為兩人高興，人稱「大佬」的鄧達智，決定9月9日在香港補擺訂婚宴，筵開八至十席，補請Clement的朋友，以及自己多年深交，包括鏞記傳人禮哥甘琨禮及設計師朋友等等。屆時不會有甚麼特別儀式，所以都係著番平時服飾，恤衫牛仔褲咁啦。

曾表明獨身多年，仍未接受結婚這個概念的他，下一步準備結婚，甚至願為Clement放棄鄧家傳下來的千萬祖業。

鄧達智是元朗屏山村鄧氏第二十六代長子，有田有地有祖屋，豈止千萬？

鄧達智接受《蘋果》電話訪問稱：「喺我眼中，結婚係一定要有一個有法律效力嘅事，我哋係會考慮。我有問過Clement，佢話其實任何形式都OK，不過，結婚喺我眼中係一個Legal marriage，而我本人係一個carefree嘅人，如果真係要做到呢一步，要同屋企人商量，所以暫時都係先進行訂婚儀式先。」

「Clement係醫生，佢知道將來如果有乜嘢事，例如有咩意外、大手術，諸如此類，邊個負責簽紙呢？都要考慮到呢一層，所以我哋可能都會做『其他嘢』。」但如果真係結婚，鄧達智稱很多事需要處理，首先是鄧家祖業方面，「因為始終係太公傳落嚟，我係一個carefree嘅人，所以我想將啲祖業俾番晒屋企人，首先我會分俾啲姪仔。」

相關文章：
【訂婚後的同居生活】「要過對得住自己的生活」鄧達智：最緊要個廚房！
http://bit.ly/2eD7nON

【抗癌成功未立平安紙】鄧達智交低身後事 遺產重新處理
http://bit.ly/2eDbqLj

【以哥哥唐唐為鑑】遭偷拍同公立醫院男友炒大鑊 鄧達智：唔可以失落咗佢！
http://bit.ly/2vut5Zy

【認有結婚計劃】朋友怪高調將醫生男友曝光 鄧達智：佢比我仲大勇氣
http://bit.ly/2txVIaW

謝謝您在世界的角落找到我（鄧達智）
http://bit.ly/2uJdozT

【身在檳城嘆榴槤】伴侶做過無國界醫生 鄧達智：我畀佢98分
http://bit.ly/2vKcQqo