韓國天團BIGBANG嘅29歲成員T.O.P今日就佢單大麻案接受審訊，當中檢方就要求判刑10個月，緩刑兩年執行，案件將於下月20號進行判決。而T.O.P隊友就冇受事件影響，如常佢哋嘅工作日程。

當中隊長G-DRAGON(GD)就要佢個人世界巡演四圍飛，日前先已後喺澳門及新加坡開騷，8月25及26號亦會喺亞博館舉行兩場香港站演唱會，而大前日GD所屬嘅YG事務所就再公佈GD將於9月喺英國伯明翰、倫敦、荷蘭嘅阿姆斯特丹、法國巴黎及德國柏林等五個歐洲城市開騷。

雖然GD經常因為出席各品牌時裝展而飛到歐洲，亦曾試過隨BIGBANG到英國倫敦開騷，但今次係GD首次喺歐洲開個人演唱會。

至於另一成員太陽噚日就從日本飛返韓國，而佢早前亦首度登上香港雜誌《ELLE MEN》嘅封面。