長者晚年受疾病困擾，容易產生憂鬱情緒。蘋果日報慈善基金早前撥款予基督教香港信義會馬鞍山長者地區中心，展開「生命故事之『長者生命再起飛』計劃」，協助有憂鬱症狀的長者將個人經歷編成故事集，提升他們的自我形象，並透過家庭活動，改善長者與家屬關係。

信義會招募了三十名大專生義工，為長者編寫《生命故事集》。記者日前隨同其中一位義工、就讀樹仁學院的李斯特，前往採訪現年七十六歲、近日飽受腳痛困擾的鍾鳳燕婆婆。「你哋肯幫我寫書，梗係開心啦，我得閒可以拎出嚟睇，有朋友嚟探我，又可以話畀人知。」鍾婆婆說。

晚年受腳痛困擾
鍾婆婆原籍番禺，父母擁有兩間藥材舖，她負責打理生意，惟婚後隨夫移居香港，經歷了翻天覆地的改變。鍾婆婆在港無法幹回老本行，被迫轉行做繡花，丈夫則在塑膠廠打工，夫婦與三名子女租住狹小床位，生活艱苦。鍾婆婆的老伴於十多年前離世，子女已婚遷出，她現靠綜援金生活。
義工李同學表示：「婆婆成日話自己冇用，乜都唔識，我會靜靜聽佢講，由得佢宣洩；另一方面，我會同婆婆一齊發掘番佢嘅長處，例如佢識得執藥材、識得繡花，喺咁艱難環境湊大三個仔女，已經好了不起。」