蘇施黃「酒店茶包廣傳事件」，網民有插嘅、有撐嘅。

鄒凱光（灘叔）導演今日就喺一個blog度寫咗篇叫《支持》嘅文章，內容係咁嘅，灘叔先話阿蘇當紅時：「成日睇住個主持鬧人，會睇得開心嘅咩？！」

之後佢明白咗啲嘢：「實際上阿蘇在飲食節目中，『鬧人』確佔了觀眾喜歡最大部份！」

再跟住就話「阿蘇效應」降溫，返電台做嘢就「沒有了以前的火，和拍檔有傾有講，只有笑聲而再沒她鬧人的聲音！」，灘叔仲話阿蘇會同佢有傾有講：「所以其實我是支持現在的阿蘇！」

灘叔喺呢篇文章最後寫道：「這個世界你是什麼人，就有什麼人喜歡，你選擇無情地欺凌其他人，你的支持者也是同類，如果當年鬧人是為了製造效果氣氛，現在你被鬧的，其實都是喜歡你的人，為表示支持製造的效果氣氛而已……！」

睇完，有網民就留言話：「撐佢，未必係一次好嘅押注。」亦有網民話：「個侍應出世係俾你鬧?仲要係無理取鬧!」即刻令呢個post氣溫急升。

鄒凱光對呢幾位網民嘅留言作回應，老實講，用字就唔係人人受到，結果釀成小罵戰...

有網民就心水清啲，話灘叔冇撐亦冇插，只係：「慨嘆人哋靠本性贏收視，收視不再就圍鬧佢本性。」