鄭世豪與何婉盈今日在灣仔街頭呼籲市民登記做選民，與市民大玩遊戲送禮物，他們表示早已登記，亦會呼籲家人登記。提到現時社會氣氛動盪，不少政黨呼籲大家用選票選出代表自己的聲音，何婉盈說：「我覺得唔止係呢個時候，幾時都應該支持，呢個係公民責任。」他們坦言每次選舉前亦會與家人討論各候選人的政綱，又不擔心家中的老人家會被「掌心雷」誤導，鄭世豪說：「佢哋好醒目，識得自己揀。」

鄭世豪除了忙於宣傳新歌《Copy and Paste》，亦有份為《愛．回家》唱新主題曲，問他是否因為安心事件而換歌？鄭世豪說：「應該係啩，其實我哋都唔止一次轉過歌，因為個劇越來越多人，都需要唔同氣氛嘅主題曲。」他又表示雖然獻唱的只有8人，但已代表了全劇演員：「因為我哋而家成日周圍去拍嘢，好難度到咁多人嘅時間。」

-----------------------------
7月4日起 《蘋果動新聞》只限升級壹會員閱覽
繼續撐蘋果！