【老鼠浸泥鯭】蘋民質疑老闆「垃圾說」呃人 業界籲加強食物安全意識
老鼠 飯店 誤會 掙扎 泥鯭
Your browser does not support the video tag.
灣仔寶靈頓道明記飯店將冰鮮泥鯭與活老鼠一起浸在膠盆上,並長開水喉水疑似「啤水」替泥鯭解凍。雖然店東事後解釋,該些泥鯭是「垃圾」,浸水後已扔掉,如果仍賣給客人食是「荒謬」。但一眾蘋民卻質疑飯店老闆講大話,認為既然要將泥鯭扔掉,又何必「多此一舉」,做出疑似解凍的動作,分明是「狡辯」,懷疑有人貪方便,「就手」將老鼠置於盤中浸死,擔心該膠盤在未完全清洗下,再度用來裝載食材,傳播惡菌。
「你呃人!反正都要掉,為什麽仲要將泥鯭啤水?這動作明明係要將雪硬了的泥鯭解凍售賣,當人傻的嗎?」灣仔飯店的「老鼠浸泥鯭」,惹來一眾蘋民熱議。當中蘋民「Chi Pang」直斥店東騙人,說法牽強、沒有說服力;蘋民「畢錦當」則着食環處「做嘢」,「仲唔行動?全人類睇你做嘢喇!」
根據食物安全中心網頁資料顯示,為冷藏食物解凍,「用流動的自來水解凍」是較好的方法,但仍須注意,如是即食食物,應用保鮮紙包好,才可用自來水解凍,免受污染;非即食食物可除去保鮮紙解凍,但須徹底清潔設備及器皿,以免細菌污染設備、器皿及其他食物。
雖然店東否認是為冰鮮泥鯭「啤水」解凍,但蘋民亦質疑用來放置老鼠的膠盆,之後會再用來放置食材,惹來擔心。香港餐飲聯業協會會長黃家和指出,食物由生產至上碟,需要經過多重工序,當中用於盛載食物的器皿,要確保先清潔乾淨,否則有機會令有關食物受到細菌的污染。因此呼籲,餐廳的東主或操作人員,應加強食物安全的意識及相關培訓。
「啤水」是將急凍的食物放入水中,再用清水不停沖洗,令急凍的食材可以在短時間內解凍,並且可以去除急凍的味道,以及改善肉質的纖維。現時在一些比較有規模的茶樓、酒家,都已經用類似洗衣機的機器來將急凍食材「啤水」。該機器更可以將水循環再用,減低浪費食水。
【蘋民點睇】 Carmen Wong:如果啲魚是當垃圾,點解要用水泡啲魚,擺明是將啲魚解凍。 車斗:但你個盆係咪一定會裝番D食得嘅嘢?都係噁心囉! Jason Chan:咁浸完嗰盆有冇消毒,定就咁攞番嚟用裝食物? Ching Yee Law:啲魚你哋食之嗎,又唔係我(老闆)食。 Man Yuk:傳說中的老鼠斑。 VVing VVing Wong:咁個盤呢?都會污糟㗎!你用返個盤咪又係一樣! 蒲王:講大話,當垃圾掉都要用水浸解凍。 Tom Chu:分明講大話,D魚既然要掉,為什麼要解凍?攞嚟講!無良老闆!