因真人show節目《全英一叮》（Britain's Got Talent）一炮而紅嘅靚聲村姑Susan Boyle，近日喺自己嘅蘇格蘭家鄉，被15名童黨丟擲點燃嘅紙張同石頭攻擊，佢嘅經紀人為佢嘅人身安全著想，考慮報警處理。

現年56歲嘅靚聲村姑雖然其貌不揚，但8年前參加《全英一叮》第3季海選時一鳴驚人，靠Youtube推波助瀾而舉世知名，曾經發行過幾專輯，銷量數百萬張，亦曾經為英女王伊麗莎白二世獻唱。據英國《每日郵報》報導，佢嘅名氣似乎令佢成為被欺凌嘅目標，除咗喺購物中心當面話佢「又老又醜嘅八婆」，甚至喺佢等巴士時圍住佢，點廢紙當面丟佢，又喺佢上車之後後丟石頭，行為非常惡劣。