【恐怖蘋台】恐懼鳥卓飛齊上Video Talk 拆解都市傳說永恆之謎
CHRIS都市傳說潘紹聰恐懼鳥恐怖蘋台卓飛
今集《恐怖蘋台》的Video Talk環節比較學術性,請來不同界別專家,包括有Deep Web的恐懼鳥、UFO界專家卓飛,聯同古文明專家Chris及靈異界的潘紹聰,一同分享對都市傳說的看法。
恐懼鳥認為都市傳說之所以吸引,是因其夠貼地,任何人都會遇到,而隨着時代變遷及文化影響,又會流傳出一些不同版本,結構卻大同小異:「我哋有個好出名嘅都市傳說,就係半夜搭順風車,但揸車嗰個唔係人嚟。有人翻查,原來係馬車年代已經有。」
都市傳說有一個特性,就是永遠都無辦法解釋與考究,恐懼鳥有閱讀過david Paulides的著作《Missing 411》,內容關於美國的人口失蹤案,大部份都是離奇而沒法解釋。卓飛本身也認識作者,他說:「最有趣嘅位,係當呢個作者走去同美國國家森林局嗰啲執法者會面,問佢哋啲失蹤嘅統計數字,佢哋答話冇。」
台灣也有不少關於失蹤的都市傳說,更牽涉靈界,潘紹聰說:「大家就會諗起紅衣小女孩同魔神仔,通常都係啲公公婆婆單支行山,突然間就唔見幾日,然後去咗好遠嘅地方,明明本身步行都有問題。」
卓飛認為不同文化背景的人可有不同概念去解釋某種現象,就以這「失蹤」事件為例,便有多種版本:「如果台灣一個老婆婆唔見咗咪魔神仔;如果係消防員嘅,就係神秘事件;喺UFO界就一定係外星擄拐;咁如果嗰啲喺潘紹聰界別, 就一定係畀鬼迷啦!」
說到底,都市傳說通過不同地域及文化不斷演變,衍生出更多似層層卻無法找出答案的版本。
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港