【電影夢】田雞離家出走遇伯樂星爺 最想分享經驗扶持新人
蘋果日報 2019/12/28 06:00
星爺田雞
經常看周星馳電影的觀眾，相信不會對田雞感到陌生。58歲的香港演員兼電影製作人田啟文，綽號田雞，現時貴為香港電影工作者總會會長，今日他的成功，也是經過一番苦幹。當年因家境貧窮，他讀至中二時輟學，並開始在酒樓茶居工作賺錢，但他沒放棄學業，努力工作同時也讀夜校完成學業。後來田啟文因入行心切，在父親極力反對下放棄腸粉師傅的正職，當年16歲的他更離家出走堅持當全職臨時演員，於18歲時加入電視圈，在麗的電視台寄宿，在影視圈打滾多年，做過劇務、執行製片、副導演等崗位。
92年拍攝《武狀元蘇乞兒》時，田雞當了專門照顧周星馳的製片助理，逐漸與星爺熟絡後得到對方信任，96年加盟周星馳所屬的星輝公司成為負責人之一，經常在星爺的電影演出。直至09年與星爺結束賓主關係，同年創辦「腦力工作室有限公司」，主力從事電影製作與培育新人，2010年在金牌大風擔任製作總監，因而認識了鄭中基，後來對方更邀請田雞做經理人，現在又當上了香港電影工作者總會會長。
在星爺公司原本是大樹好遮蔭，但田雞為何要離開呢？他表示：「我離開佢公司係因為我結咗婚，不過我走時都怕人講是非，話佢眾叛親離，所以專登去間唱片公司任職，因為咁識咗鄭中基，而家仲幫佢做埋經理人。」
田雞於2004年結婚，因婚後太少時間陪太太，擔心家變，所以他知道必須調整生活：「結咗婚唔可以再好似以前咁24小時瞓身畀星輝，以前真係隨身袋住個passport，隨時要飛，而且係唔知飛去邊，但而家去到人生另外一個階段都係要變吓。同時我覺得自己再留喺星爺身邊幫唔到佢乜嘢，應該等其他更叻嘅人嚟幫佢，我希望將喺星爺公司學到嘅嘢，分享畀年輕人，扶持多啲新導演出嚟，想證明畀星爺知，離開不是背叛，是發揚。」
如今田雞有自己的腦力工作室來製作電影，又有一段時間代表香港電影製作行政人員協會任香港電影金像獎董事局董事，這兩年更當了由12個不同電影工會組成的香港電影工作者總會會長之職，問他當上這個會長之職會否感到壓力？他表示：「其實吳思遠會長退落嚟之後，係由小寶（爾冬陞）做嘅，但佢做咗一輪太忙，冇時間兼顧，結果大家叫我暫代先，然後再搵一個適合人選，其實好多前輩比我適合，但代代吓，大家又話都OK喎！叫我索性做會長啦！我只係希望用自己微小嘅力量，感染同業諗吓香港精神喺邊，要團結不要敵對，我唔認為發展中國市場有錯，電影始終係商品，唔好戴有色眼鏡去睇件事。其實見到同業唔齊心，我係好傷感，以前好景，大家只顧自己飯碗，但而家咁嘅環境，有能力嘅係咪可以幫番年輕人？好似我咁大片搞，細戲一樣搞，盡量畀多啲人有嘢做。」
為免香港電影製作人斷層，電影界幾年前開始成立了電影專業培訓班，培養新血出來，田雞稱：「我哋口號係真入行，培訓出嚟嘅新人會盡量安排佢哋入行，呢幾年都培養咗百幾人入行，一定要有新人去傳承，幕前已經斷層得好厲害，特別女演員已經冇人接班，如果連幕後都冇人，咁成個影視行業就萎縮晒，我當然唔希望發展成咁，所以我呢班老鬼都好積極栽培後輩。」
58歲的香港演員兼電影製作人田啟文，今日他的成功，也是經過一番苦幹。
田啟文因入行心切，在父親極力反對下放棄腸粉師傅的正職，當年16歲的他更離家出走。
田雞離開星爺公司後到唱片公司任職，從而認識鄭中基，更擔任其經理人。
田雞：「我希望將喺星爺公司學到嘅嘢，分享畀年輕人，扶持多啲新導演出嚟。」
田雞：「想証明畀星爺知，離開不是背叛，是發揚。」