【影視博覽】孫耀威相識十周年諗造人 嫌雪卵唔浪漫
孫耀威影視博覽雪卵
孫耀威今日在影視博覽出席一項微電影頒獎禮,他以自己歌曲拍成微電影,成功獲得專業組微電影男主角金獎。他說:「之前搵Wyman作咗首歌《愛的故事沒有下集》,係浪漫故事,講愛情好似圓圈咁,沒有終結。」
孫耀威說後生時會追求愛情轟轟烈烈,現時追求感情甜甜蜜蜜,問到他與太太陳美詩屬於哪一種?他表示:「都仲算係轟烈,3月25日就係十周年,我哋農曆新年去咗歐洲旅行。原來大家喺埋一齊已經十年,大家都仲喺圓圈入面跑緊。」他又講笑:「希望大家唔好出軌啦,我就唔會,唔知太太呢?」
講到造人大計,孫耀威指要順其自然:「有人會計排卵期,但咁就冇咁浪漫,不過最近係同太太多咗講呢個話題。之前我哋真係太忙,冇乜日子相遇,仲要見到面都好,好多時候都係有好多親戚喺度,有啲唔方便。」孫耀威下半年會再自編自導新戲,希望到時多些時間見面。
阿Sa最近準備雪卵,孫耀威會不會支持太太雪卵?他說:「咁都唔係太浪漫,暫時都係想浪漫地進行。唔一定要有細路,但有細路都唔介意。」
另一方面,糖兄妺微電影「未來過去式」在頒獎禮中,一口氣獲得最佳微電影製作大獎 (專業組)金獎、最佳微電影女主角獎 (專業組)金獎、最佳微電影男主角獎 (專業組)銀獎、最佳美術指導獎 (專業組)和最受歡迎微電影獎 (專業組),成為大贏家的糖兄妹當然感到十分開心,糖妹說:「今次係我同糖兄第一次合作拍劇,我又有一段日子冇拍嘢,所以真係有啲緊張,我哋今年會有好多音樂上嘅合體工作,所以今次攞獎,對我哋嚟講好似打咗支好大嘅強心針!」糖兄亦說:「我都唔敢相信係事實,今次真係好開心,做戲對我係新丁,不過希望做音樂之餘,都希望有機會再做啲唔同嘅工作!」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
他希望造人可以浪漫地進行,不會特別去計排卵期或雪卵。