想當年「大陳小謝」呢對好兄弟不時大唱好歌，大晒兄弟情，陳奕迅(Eason)世界巡迴Another Eason’s LIFE演唱會歷經兩年時間，前日喺北京站圓滿落幕，又點少得好兄弟謝霆鋒、老婆徐濠縈，仲有「小fans」竇靖童等，亦有數萬fans齊集。

陳奕迅喺開始唱歌前，先向歌迷講明規矩：「希望大家能夠專心欣賞精采的演唱會，可以隨著節奏和我一起HIGH翻鳥巢、這麼棒的演唱會嚴禁台下歌迷滑手機、煞風景，因為每個環節都有演唱製作團隊的花心思的設計，一不留意就會錯過很多小驚喜。」打頭陣唱出《閃》、《變色龍》經過激情重編，歌迷都好受落，Eason更大跳機械舞、波浪舞、倒影舞等，Eason又喺個唱encore咗最高紀錄三首半，Eason又話 ：「某種程度上我是希望透過我的巡演，將演唱會製作團隊包括樂手、編曲、影像、設計等等每個環節，集合香港的精英將正面的能量傳達到全世界。」就正如演唱會主題含義一樣「Eason’s Love is For Everyone」，陳奕迅的歌係俾每一個「你的」。

聽完Eason個騷，唔少人都話唔捨得，連日都有唔少網民討論，希望2018年再去睇Eason紅館騷，亦有人分享咗一個小故事，有網民寫道：「昨天我沒有票在鳥巢外，碰到一個票被偷的女生，然後我們一起在外面聽，最後安可(encore)的時候，好心的保安居然讓我們進去，這時候夜空中最亮的星響起，看到一片閃光燈的燈海，我差點哭了，感覺一切都太不真實了，約定2018年，紅館見!」亦有霆鋒fans提起今年係霆鋒入行廿周年，希望「大陳小謝」再合作，亦有fans希望霆鋒開騷!!!