「衞生巾塞渠可算平常,但係通渠後竟然俾我見到個汽水罐,我真係想像唔到會有居民冇公德心到咁嘅地步。」居於二樓的鄧小姐歎道,十多條衞生巾及一個汽水罐,令她可能賠上一屋裝修及家電,現時公證行仍未回覆會否就這次意外作出賠償。
渠內有汽水罐
受影響住戶鄧小姐稱,她於上月二十日下午五時半,接到管理公司通知,指其單位可能出現水浸,着她回家視察。她返抵單位後,發現不斷有污水從洗手間馬桶湧出,屋內污水深達腳眼,當中夾雜着紙巾及糞便等污物,發出陣陣惡臭,令人惡心。
經她多次投訴後,管理公司終派員協助她清理及安排師傅通渠。「師傅通完渠後,發現直渠裏面有好多衞生巾同橙皮塞住晒,而且重通咗個汽水罐出嚟,我真係冇諗過啲住戶會咁冇公德心!」
未知可有賠償
令她最感不滿的,是遲至二十三日始有公證行職員前來調查和拍照。「我被迫對住啲發臭家具幾日,啲家具掉又唔掉得,又唔能夠清理,驚追唔番啲賠償」。
事後,她曾多次追問管理公司賠償與否,職員均答稱跟進中,令她不知如何是好。
「我係攞綜援金維生㗎,如果真係因為呢次無妄之災,被迫掉咗咁多家具重冇得賠,真係唔知點算好。」
房屋署新聞組發言人回覆本報稱,管理公司當日收到鄧小姐樓下住戶通知,指天花出現滲水,疑是樓上單位水浸,故即時通知鄧小姐處理。
事後,管理公司派出工程人員及清潔人員,調查污水倒湧原因及協助鄧小姐清理單位。