市建局總部搬去中遠大廈之後，不停有受重建影響嘅苦主上去找晦氣，甚至威脅職員：「買定棺材畀全家！」據講要報警求助。有市建局職員覺得新office唔多老利，質疑搬竇前管理層有冇搵高人睇睇指點迷津。
據市建局老臣稱，以前喺新紀元廣場嗰陣，示威重建戶多數都好和平，但近期嚟嘅「苦主」，唔少都係在重建區落「釘」炒家，到市建局講數要求賠多啲，例如明明唔係自住，竟要求自住嘅賠償額，野蠻都不特止，有人更向前線職員死亡恐嚇，呢種情況以前罕見。
佢話其實搬咗去中遠大廈之後，市民要請願其實更加方便，因為以前去新紀元廣場，要搭扶手電梯先上到大堂，家中遠大廈有地面大堂，示威者可以喺出面個廣場請願，地方寬敞好多。