陳自瑤、李思欣和馬德鐘等合演的劇集《赤沙印記@四葉草.2》將由下月三日起，逢周日晚上八時播映。劇中邀請了不少藝人及歌手客串，包括張堅庭、徐子淇和許志安等，令劇集生色不少。
徐子淇在劇中飾演一位麻辣教師，經常要惡形惡相，她日前說：「以前我中學時都有個老師同我演繹嘅角色差唔多，令我成日諗起佢。我好鍾意小朋友，第日讀完碩士唔排除會做教師，可以接觸小朋友，又可以放暑假！」

學單車撞瘀腳
而楊<囗<囗拍攝《赤》劇獻出不少第一次，留下很多難忘回憶，她早前說：「第一次吊威吔同學潛水，覺得好有挑戰。」而陳自瑤亦在拍劇時學踏單車，她說：「我成日俾單車個腳踏撞到，雙腳幾乎瘀晒，都未試過咁嚴重，而且日日都打沙灘排球，曬到啲皮膚黑咗，膚色健康咗。」
至於會否怕與上一輯四葉草比較？陳自瑤說：「一切順其自然，好多嘢唔會畀壓力自己，而且都唔同類型，最多咪比較演技，都冇乜所謂。」劇中楊<囗<囗、李思欣和陳自瑤飾演三姊妹，三人朝夕相對，經常互相照顧，情同姊妹。
採訪：卓寶花、比華利