【新增影片】祥益地產總裁汪敦敬不認同二手交投下挫與加息有關，最主要是價錢去到咁上下，要抖一抖，千祈唔好誤會呢個係轉勢，買家應該要大膽還價。因為供求沒有改變，租金後來居上。除非有大件事發生，例如美股爆煲，如果唔係，兩、三個月淡靜是正常。

他認為，價位會微調，但無能力拾級而下，咩係拾級而下呢，舉例17樓C座成交比18樓C座平5%，跟住16樓C座成交，比17座C座平5%，但而家唔係。而家呢個減價無凝聚力。而家都是假跌。有幾個因素會導致真跌，除咗美股爆煲，就是本港撤資。用簡單原則睇，睇住貨幣供應量M3，而家不停增加，如果繼續儲落去，情況是水浸。當錢的因素不變，樓價會繼續升，而家只是假跌，會好短期。他強調：「千祈唔好當是爆破，短期架啫!唔係轉勢。」

不過他直言，目前市場進入鞏固期，成交量橫行，個別單位會平少少，「好好珍惜呢段時間」，每逢鞏固期，會比咩結束呢，會俾租金上升結束，目前租金整頓。睇勢頭，鞏固期會在兩三個月內結束。

掌握財經生活資訊，即Like「蘋果ATM」fb專頁啦！
http://fb.com/appledailyatm