西班牙巴塞隆拿蘭著名購物街蘭布拉大道(La Rambla)上月17日發生恐怖襲擊，有人開車衝向人群，造成過百人死傷。原來效力巴塞隆拿嘅中場拿傑迪錫當時正準備去蘭布拉大道，但聽完老婆Raquel Mauri講就之後就改變主意，令佢避過一劫！

拿傑迪錫憶述當時嘅情況，佢話:「我當日同屋企人去咗市中心，我地當時諗緊去唔去蘭布拉大道。我想去嗰度，因為天氣真係好好。但老婆就同我講，不如帶啲仔女去附近公園玩仲好。感謝神!我聽咗佢講，冇去到嗰度。」所以唔單止話怕老婆會發達，聽老婆講仲可以保命！