對於有持槍獨行賊一周內六度犯案，每次在案發現場僅作短時間逗留，城大犯罪學家黎定基形容賊人膽小，但卻相當聰明：「佢（賊人）每單劫案都係劫幾千到幾萬元，相信佢唔係大賊，只係為生活，唔係尋求刺激。」
黎定基指出，獨行賊每次犯案均配備汽車，而犯案地點包括銀行、油站、馬會投注站及當舖，全部都有閉路電視，但他每次行劫所得的金額不多，不會引起公眾注意；而且不論是否成功，都不在犯案現場糾纏及逗留，證明賊人每次行劫前均有周詳計劃，頭腦精明。

料賊人很快被捕

他續說，賊人犯案均沒有使用暴力，與傳統食大茶飯的持槍悍匪不同，而且只劫小量現金：「佢（賊人）每次事敗都即刻走，唔喺犯案現場逗留，相信係減低俾差人捉到嘅機會，事實上𠵱家佢都未被差人拉到。證明賊人並不愚蠢。同時他相信賊人犯案只不過為生活，而非為享樂及尋求刺激。」
不過，黎定基補充說，雖然賊人相當聰明，但聰明反被聰明誤，他預料賊人會很快被捕：「佢經常出嚟犯案，撞到差人嘅機會就越大，落網機會亦越大，佢好快俾差人拉到。」
中大精神科教授李誠則表示，估計賊人十分需要用錢，但又膽小，故每次遇到阻滯，均很快放棄撤退，伺機再等候下一次機會。
本報記者