王菲以「幻樂體驗官」身份參演嘅大陸綜藝節目《幻樂之城》，喺7月湖南衛視首播咗，兩個囡囡：竇靖童同李嫣都有做嘉賓撐媽咪，不過點都估唔到，就連童童嘅同性密友、亦係李亞鵬舊愛——周迅，都應承上呢個節目做嘉賓，日前佢哋為節目進行錄影，據現場工作人員講，周迅與王菲呢對過氣情敵碰頭，表現自然，談笑風生，令人不禁目瞪口呆。

話說喺N年前李亞鵬同周迅拍拖有一段時間，雙方已達到談婚論嫁地步，但突然間殺出鵬鵬去咗追王菲，03年佢因同阿菲拍拖飛咗周迅，所以周迅有一段時間係好憎恨「菲鵬」。想不路輾轉10幾年間，周迅又會同王菲大女成為密友…佢哋嘅關係，真箇一言難盡。（相關新關： https://bit.ly/2v9p4Lf ）。

今年農曆新年前，靖童仲帶周迅返屋企，同王菲食團年飯——冇錯，李亞鵬當日都喺度。咁嘅飯局，真係有趣。

因為李亞鵬係靖童繼父，父女感情唔錯，每次返到北京，靖童都鍾意約埋媽咪、繼父、奶奶同生父竇唯見面；如果周迅唔使開工，都會陪佢一齊出席。今次周迅肯上王菲個節目，聽講都係童童叫佢撐媽咪。咁靖童開到聲，周迅又點會托手踭？

精選娛聞，喺晒《娛果》
http://fb.com/appledailyent