翁靜晶最近在英國購入大批優質貓糧，近日已送抵香港，原來背後有一個故事。佢噚日喺facebook透露，不少有關貓的藥品、配方及奶粉，多數是歐盟出品，但價錢只係香港嘅三分之一，連運費在內，仍然平過香港一大截。佢希望以較平嘅價錢幫到一班動物義工，由佢哋再去幫助一班有需要嘅流浪貓，還有老弱病貓都能分配到食物。

翁靜晶留言﹕「有此行動，是明白到香港的義工們，人人都是出錢出力，在辛辛苦苦賺來的血汗錢中，死慳死抵助養這些流浪動物。看不過眼，他們的辛苦錢，原來用於供養暴利的商家，於是就試行直接運送的可能性......我答應過Snowflake(早前離逝嘅愛貓)做的事，一定會繼續下去。」

翁靜晶今日接受《蘋果》電話訪問，佢續解釋﹕「因為定慧寺嘅事使咗好多錢，唔少網友都好關心我。其中一位動物義工，知道我屋企有15隻貓，其中有啲老貓係需要食配方糧，即有腎病或身體唔好嘅貓都需要食較優質貓糧。咁我咁啱係英國，嚐試上網搵資料，睇下可唔可以直接喺呢邊購買，發現售價平好多，所以我可以反過嚟幫番佢哋買，等佢哋長遠負擔唔使咁重。」