歌手曾樂彤推出全新廣東歌曲《永恆少年》，歌曲除了歌頌友誼，得一知己一生受用，同時道出人必須成長，但又拒絕成長的心態，仍然希望保持童心。曾樂彤亦然，出道一年多，要用擺脫舊我的心態去面對眼前的挑戰，但又要保持初出道時的熱情。繼上一首派台歌曲《存在》後，曾樂彤再次與Cousin Fung合作，這次Cousin更為她度身訂造歌曲，並包辦作曲及編曲。而《永恆少年》是他了解曾樂彤後所創作出來的一首作品，填詞方面則找來第一次合作的王樂儀，曾樂彤說：「同製作班底傾嘅時候，我希望呢首歌同《存在》有啲關連。呢首歌係形容一個年青人踏入社會，佢哋可能覺得同身邊嘅人步伐變得不一致，佢哋會點樣去渡過呢啲咁迷惘嘅時刻呢？我希望呢首歌可以陪伴住各位渡過一啲迷惘嘅時候。」



MV拍攝選址東龍島，而且更貫徹以往曾樂彤的MV「傳統」-攀山涉水。雖然辛苦，但曾樂彤表示能拍到一個好MV，一切都是值得。MV內容以抽象形式呈現，曾樂彤指自己初初看MV storyboard時，以為自己飾演一個精神分裂患者，因為導演找來一個與自己無論身形、髮型及感覺都很相似的女生飾演另一個她，了解整個劇本後，才知道原來對方是內心的自己，曾樂彤說：「其實呢個女仔係唔存在㗎！故事講佢好似鏡子入面嘅自己，人生中真正可以陪伴自己嘅，都係你自己。MV開頭有一啲路係好崎嶇、又或者我哋share咗一啲好開心嘅時刻，到最後呢個內心嘅自己帶領我搵到一個新嘅境界、新嘅諗法、新嘅狀況。」整個構思代表人需要學習與自己獨處，然後與內心的自己溝通，繼而讓內心的自己帶領自身。

-----------------------------

【你爆料，我課金！】

爆相：$500　 爆片：$1,000

分清黑白 壹齊揭穿社會黑幕！

詳情： https://s.nextmag.hk/e/zg7VUk287Z

-----------------------------

【壹週刊Telegram，與港人同行，每日為你推送抗爭現場實況】

一手報料： https://t.me/nextmaghk

最新消息： https://t.me/NextPlushk

-----------------------------

【升級壹會員登記站 為你解疑難！】

沙田、旺角、荃灣、觀塘、銅鑼灣5區為你服務

詳情： https://s.nextmag.hk/e/Tssefy687Z