日本女星田中麗奈憑與淺野忠信合作新片《我們誕下幼子》，於「第41屆山路文子電影獎」封后，該片同時頒獲最佳電影，頒獎禮將於下月24日舉行。

《我們誕下幼子》由小說家重松清名作改編、三島有紀子執導，講述飾演女主角奈苗嘅田中麗奈因被家暴離婚後，帶同與前夫所生嘅小朋友，再婚嫁扮演上班族田中信嘅淺野，係一部探討家庭同人性嘅作品。

田中被評為演活為小朋友而煩惱嘅再婚婦人，演技有所突破，佢亦係自18年前憑《激浪青春》奪新人獎後，再於呢個頒獎禮奪獎。至於今屆新人獎，就由《夜空總有最大密度的藍色》嘅石橋靜河奪得。