睇武俠小說，成日出現崑崙派與峨嵋派，估唔到現實生活真係有崑崙派弟子。
擾攘多年嘅九龍灣啟德大廈噚日強拍，由持有大廈逾八成業權嘅中小型發展商王新興集團以底價22.93億元投得。一班業主到場，當中就包括一位自稱係崑崙派弟子、年屆八旬嘅中醫師陳和岸。
呢位師承崑崙派嘅中醫喺呢幢大廈地舖行醫35年，病人數以萬計，無論病人搬咗去天水圍定香港仔，同樣要搵佢醫病痛。他好自豪咁話：「如果你拗柴，我一秒就醫好你！」他間舖被強拍，佢話最大損失係病人。雖然佢今次將會分到1,056萬元，但佢依然唔多滿意，話唔夠喺附近搵舖，個價亦唔合理。