年輕一代知唔知道相中有兩個圈嘅東西係乜東東呢?佢咪就係陳年卡式帶囉,喺金管局圖書館搵到。
位於中環國金2期55樓嘅金管局圖書館,冷氣充足,有wifi,又有枱,最緊要係冇乜人,最適合研讀高深嘅金融書籍或者冥想。
華華發現呢度除咗有好多金融書籍,仲有套《新編普通話教程》,入面有兩盒卡式帶,之但係唔多覺有卡式錄音機,可能下次要問一問職員有冇得借部機來用一用先得。
查實金管局圖書館早於2003年開放畀公眾使用,早年啲書仲可以外借,家陣就唔借。入面嘅書,9成以上係金融相關,仲有外國央行年報,全部有編碼分類,好有條理。如果多幾部可以上網嘅電腦,咁就更方便嘞。
掌握財經生活資訊,即Like「蘋果ATM」fb專頁啦!
http://fb.com/appledailyatm