今年43歲嘅「小旋風」林志穎，係圈中出名嘅凍齡男神，出道咁多年都好似冇老過咁，今日凌晨曾與林志穎合作嘅大陸藝人釋小龍，就喺微博貼咗同林志穎嘅合照，事隔24年，食咗「防腐劑」嘅林志穎同釋小龍再合體，好多網民見到都忍唔住話，完全唔覺小旋風有變老。

24年前，當時只有6歲嘅釋小龍仲係童星時，就同林志穎合作拍攝電影《笑林小子》，當時釋小龍戲中就飾演小師傅，幫助飾演中學生四毛嘅林志穎對付學校嘅壞蛋，最後仲幫林志穎搵到真命女友㖭！事隔多年，小師傅釋小龍於「成龍國際動作電影週」重遇林志穎，釋小龍喺微博貼出二人嘅合照，留言話：「感谢，成龍國際動作電影週#讓小師傅和四毛重聚，旋風小子， 好久不見！」

有網民就留言話：「二十五年後你們倆再次同框，小師哥已經長成大帥哥，大帥哥還是這麼帥，又是『我已長大，你還未變老』系列。」

精選娛聞，喺晒《娛果》
http://fb.com/appledailyent