彭浩翔執導嘅《香港仔》今晚喺舉行首映，主要演員包括曾志偉、古天樂、楊千嬅等都到齊，梁詠琪（GiGi）就同老公Sergio一齊到場。

GiGi嘅透視裝露黑色Bratop打扮，令人諗起佢喺戲中巨胸性感造型喇。

喺戲入面同古仔係飾演夫婦嘅GiGi，仲有一個小演員李汶桂做囡囡，GiGi話故事其實講佢同古仔生嘅囡囡好醜樣所以被嫌棄，但係原來小朋友都唔知呢件事，GiGi為怕影響佢都唔敢講佢知。

至於GiGi嘅好姊妹許茹芸同楊采妮，都有到場支持，至於另一姊妹梁靜茹日前榮升媽咪，GiGi就大讚對方又勇敢又好叻。

佢又話自己都一樣有勇氣，不過生小朋友就唔係單靠呢樣嘢，自己有開始補身同戒食生冷嘢，不過一切順其自然就得喇。

同GiGi有床戲嘅古仔，就被踢爆自度其中一招，仲話翻來覆去好難拍咁話。

幾乎成個4月都唔喺香港嘅古仔又話，嚟緊要開拍《殺破狼2》，仲有《衝上雲霄》同另外兩部電影，佢又大讚小演員聰明，又曲線讚自己好有小朋友緣，因為冇小朋友會驚佢0架喎，古仔話可能因為自己點比人搞，都唔會出聲嘅，所以戲中識跆拳道嘅李汶桂，喺佢身上示範都冇怨言咁話。