Youtuber凌晨偷入修咸頓主場 走唔走得番出嚟？

知唔知咩叫飛躍道（Parkour）？呢種「運動」係法國人喺1980年代創嘅，啲玩家會喺充滿障礙物嘅地點，透過攀爬及危立等方式製造跳躍動感，有時會做啲驚險動作嚟挑戰自己，香港雖然唔係好多人玩，但外國就一大堆，而最近有幾位玩開呢種「運動」嘅後生仔女，就用Youtube拍低佢哋凌晨四點幾潛入修咸頓主場聖瑪莉球場嘅情景。

以Ally Law為首嘅Youtuber，玩開呢種活動好耐，今次就透過爬側門啲閘口偷入聖瑪莉球場，雖然其實要捐入個空隙只係好細，但對佢哋嚟講都冇問題，但球場保安系統當然亦唔流，好快就測到有人進入並響起警報系統，之後Ally Law佢哋仲唔識死，落埋比賽草場做跳躍動作，直到被發現，先不斷想辦法避過保安搜查追捕，走晒東南西北搵出路，成個過程好刺激同驚險。

到底佢哋走唔走得番出嚟？不如大家自己睇喇！不過，奉勸大家就唔好以身試法喇，隨時好大罪㗎！