鍾鎮濤（阿B）前晚在紅館舉行尾場個唱，嘉賓之一的梅艷芳暗寸阿B的大眼前妻章小蕙是名「大花筒」，喜愛買樓，阿B亦表示後悔當年沒有追求梅艷芳。

鍾鎮濤宣布破產後在紅館舉行的兩場個人演唱會，前晚圓滿結束。阿B的一班好友譚詠麟（阿倫）、陳奕迅（Eason）、郭富城、梅艷芳（阿梅）、薛芷倫、張曼玉及梁家輝一家等都有捧場，Eason更以大戲裝上台。阿B獲朋友熱烈支持，感動得流下男兒淚。

「我𠵱家買褲鈕」
阿B的一對子女前晚上台向父親獻花，B女鍾嘉湄更與父親嘴對嘴，場面溫馨。至於嘉賓阿梅則在台上妙語如珠，她對阿B說：「溫拿時代，我唔鍾意『哨牙倫』（譚詠麟），鍾意你；你又唔鍾意我，鍾意個眼大嘅，眼大嗰個又鍾意買樓，又買深水灣，又買山頂，但我鍾意買大富翁啲樓。」阿B回應：「我𠵱家買鈕，係褲鈕。」

含淚多謝范姜
阿梅又大讚他現在的女友范姜，她說：「你最近嗰個幾好，乜嘢『薑飯』，食到你肥肥白白。」阿B笑說：「我後悔當年……」阿梅即插嘴道：「揀錯人？」阿B回答：「係冇追到你。」
阿倫則在台上對阿B說：「聽講你同U2（當舖二叔公）好熟，Uncle9（裕泰興的九叔）同Brother4（四哥謝賢）都好熟，不過最緊要係九叔，問吓九叔有冇數講。」而阿B在台上致謝時，特別點名多謝女友范姜，他流着淚說：「我要多謝范姜，佢喺兵荒馬亂都唔走。重有一對仔女，佢哋唔知發生乜嘢事，爹哋同你哋（子女）講，有你哋我乜都撐得住。」

拒談前妻指控
此外，演唱會後阿B到了佐敦出席慶功宴，他說：「我好有福氣，多人支持，今年係最有狀態嘅一年，演唱會係我嘅轉捩點，乜嘢都要重新開始。」對於章小蕙母親對他的七宗罪指控，阿B說：「唔解釋，總之我唔講就冇嘢講。」 採訪：胡比