碧咸（DavidBeckham）噚日喺倫敦發生車禍，據英國《每日電訊報》報道，碧咸15歲長子布魯克林（Brooklyn）喺英超聯賽兵工廠隊練波，碧咸就揸架灰色AudiRS6Avant去接個仔，點知回家途中同一架三菱COLT擦撞，幸好airbag救回兩人一命，只係受驚，並無大礙，肇事嘅三菱女司機都安然無恙。

據知碧咸架Audi有少少「毀容」，而據目擊者所講，碧咸出事後膊頭受傷，但毋須入院。碧咸身邊人士就話：「他們嚇了一大跳，因為速度有點快，撞擊力道不小，還好沒人受傷，轎車的安全氣袋保護他們。」美國TMZ網站都忍唔住抽抽水:「女性們，可以放輕鬆，他的俊臉沒有破相。」