當年今日

【5月涉性侵】以強姦未遂送檢 36歲劉相務獲無嫌疑處分

蘋果日報 2016/12/08 12:30

性侵劉相務

現年36歲嘅搞笑藝人劉相務,於今年5月捲入涉性侵案受查,案情指涉受害女子A小姐於今年5月18號凌晨3點報警,指喺酒店內被劉相務強姦,不過當時劉相務否認案件。當時劉相務稱同女友飲酒,女友醉後報警指被劉相務非禮,強調只係一宗鬧劇,不過A小姐就否認係劉相務女友,又指劉相務曾要求同佢進行性關係,令事件出現兩個版本。
而經過警方調查,警方以「強姦未遂」起訴劉相務,並將此調查結果於今年7月送到檢察廳。經過幾個月檢察廳嘅調查後,今日宣佈結果指劉相務涉「強姦未遂」最終為以無嫌疑處分。事後劉相務受訪時稱:「好感謝檢察官能夠還我清白,過去7個月係最辛苦嘅時期,今次事件對我嚟講亦係一個教訓,希望能夠再次返到搞笑藝人嘅舞台,今後亦會繼續反覆思考網民嘅惡評,繼續反省。」