在舞台劇《愛情少說》中，何思諺飾演大學生，她坦言排畢該劇後，對愛情有新睇法，更揚言希望找回自己曾暗戀過的男生來表白，她說：「我個古仔係講有個男仔暗戀咗我10幾年，但因為誤會冇開始到，成個故事俾人有種好可惜嘅感覺。現實中自己都有啲咁嘅經歷，幼稚園時曾經鍾意過個男仔，佢係孖仔嚟嘅，不過因為失去咗聯絡，所以冇機會話畀佢知，如果家見番佢，我一定會同佢講。」

扮演人妻的DaDa同樣表示看完劇本後有感悟，她說：「我個角色係個好普通嘅太太，有日個老公知道自己得番一日命，好急咁同我交代身後事，同埋話我知佢有幾愛我。個個睇完我個劇本都忍唔住喊，自己都有啲領悟，因為我係個好急嘅人，好多時都會忽略咗身邊人，家我會多啲關心朋友同父母。」
有翻版陳法拉之稱的Afa，在劇中扮演被視為玩物的情婦，跟Amy扮演的天真太太演出同一單元，Afa說：「劇入面我做個只要個男人開心，佢當我係玩物都唔介意嘅情婦，但現實嘅我一定唔得，愛得太盲目，我係個自己中心好強嘅人，如果個男人對自己冇好感就會即時斬纜唔會等！」

Amy就坦言真實的她不如角色般天真：「我係個如果男友唔聽我電話，會問佢原因嘅人，同個角色啱啱相反。好在我家有兼職教小朋友跳舞，我將小朋友天真嘅眼神同笑容放番入個角色度。」
至於演腐女的Kabee，在劇中將跟毒男發展一段網戀，她說：「現實嘅我完全唔相信網上識朋友，我覺得咁樣好唔安全，所以更加唔會喺網上搵另一半。」
採訪：譚倩宜　攝影：陳慧安
服飾：CollectPoint
場地提供：Cafe21