英超水晶宮、西甲艾拉維斯都已經炒領隊或教練，德甲亦都開齋，禾夫斯堡周一宣佈，辭退荷蘭籍教練莊卡，連埋助教團包括阿仙奴名宿龍格保，都要落台。

禾堡開季戰績都唔係太差，4戰累積1勝1和2負，不過入球能力真係差啲，4場波只入2球，禾堡仲未搵到接任人選，球會喺官方網頁表示，球會處於艱難時期，之後兩場面對雲達不萊梅同拜仁慕尼黑，希望球員同球迷積極支持球會。