講到「聖誕禮物股」，股榮推介阿里巴巴（9988），「我當埋係新年股」，「我估阿里巴巴要升上250元，需要一至兩季的時間」，有耐性散戶可作長線投資。

阿里巴巴今創新高，股價一度升至210.2元，中午收報208.8元。股榮稱阿里股價相對易睇，「只要美國股價繼續上，香港股價都差極有限」，又指阿里在港第二上市後，不少本在美國的貨都轉倉回港，某程度上代表投資者想在港進行交易。

他預期阿里股價可挑戰250元，主要是以PE與騰訊睇齊作推斷，騰訊現時PE已達34倍，阿里巴巴則只有28至29倍，「無理由阿里增長較騰訊好，盈利前景好過騰訊，但估值會較騰訊便宜，如果大家想二揀一，都係揀阿里巴巴囉」。

唐牛則推介嘉利國際（1050），指公司由工業股變身內房股，內地房地產銷售理想，未來將會是收成期，「加上依家有7厘幾息，40周年有機會派發特別息」，所以未來一年都有不少憧憬可以炒上。

至於大市方面，兩位名家都偏樂觀。唐牛續指，市場彌漫一片利好氣氛，特別是美股進入「慢牛」格局，似乎不受市場事件影響，中美貿易談判則只欠宣佈落實協議的日子，這真空期下市況仍會向好，暫未見有潛在壞消息拖垮市況。

股榮則補充，人民幣一向和港股關連系數強，如今轉強並升回7算樓上，對港股有一定支持，「貿易戰叫做傾掂咗，個市要跌返落去，除非人民幣大跌，但農曆年前都見唔到呢個誘因，指數都係乾夾上去」，短炒的話建議揀落後股。

聖誕禮物股

股榮：阿里巴巴（9988）
唐牛：嘉利國際（1050）

【午市急CALL】名家開LIVE大爆「聖誕禮物股」

日期：12月23日（周一）
時間：11:30am – 12:00pm
主持：Willa
嘉賓：股榮
嘉賓：唐牛

重溫網址：

果燃台
蘋果ATM
蘋果YouTube