貌似章子怡嘅台灣模特兒李妍瑾，上年與賀姓計程車司機互毆告上法庭，事件接佢同黑道人物寶哥有往來，形象下跌，曾講過未來將轉往幕後，可能逐漸淡出幕前，不過佢似乎轉去大陸發展。

今日有台灣媒體報道稱收到大陸傳來嘅消息指，李妍瑾擔任世界小姐萍鄉雙月灣賽區評委，喺用餐結束後，因為被工作人員不慎推擠，意外摔落山區，身體及臉部都嚴重撞傷，傳佢擔心毀容，緊急送醫，聯絡專業醫師待命，目前正在進行清創治療。

台灣媒體目前尚未聯絡到李妍瑾，但主辦方表示佢的確撞傷，須等醫院評估狀況，還好佢仲有意識，未傷及體內或骨骼。佢嘅經理人就表示仍未與她聯繫上，等聯繫上會有更進一步嘅消息。

李妍瑾16歲做廣告模特兒，2005年8月以選美佳麗姿態，入台灣演藝圈，2005年世界華裔美后奪亞軍、2005年世界網路小姐亞洲區冠軍、全球亞軍，2007年獲得國際妙齡小姐全球季軍。