尾場三班1400米，「包裝鬥士」上仗加鼻箍、交叉鼻箍同頭罩，起步已無咁慢，末段從外檔追上只輸個零馬位得第三，確認現時72分有優勢。「包裝鬥士」係北半球馬，其實真正轉四歲都係得兩個月，仲未好成熟，潘頓對呢匹馬真係落足心機，上仗賽前已一手一腳操，今次繼續摸住，最重要係呢兩仗賽前都有番拍跳工夫，尤其最近拍新勝馬「甜蜜蜜」好輕鬆，跑姿越來越順，呢隻細粒仔好有鬥心，成隻打仔格，睇番在港每次上陣末段都追番一段勁，現時跑1400米都仲可以應付，遲應該跑更長路程仲好，上仗已證明加配備有助，跑三場狀態推到頂點，潘頓已試準，肯再騎話晒你知有贏馬餐士。
「邦之星」越來越淡定，扳上1400米肯定無問題，乃前駒最大勁敵。「聰敏不凡」長相型格不俗，三班肯定有得贏，配腳有必要兼顧。再拖一匹，「吉利高」今季長勇，恃住輕磅仍可放入一席。
詳盡內容可留意明日<<蘋果日報>>及蘋果馬網 http://hk.racing.nextmedia.com