中國科幻電影《捉妖記》大家睇過未?由《史力加》導演許誠毅執導，上年喺強國上映63日累積票房24.38億人仔，但當中發生偷票房同人為包場疑雲，經常喺半夜或早場呢啲鐘數爆場，不過最後帳面上都破咗《狂野時速7》嘅內地票房紀錄。

最近《捉妖記》就喺北美上映，根據《人民網》報道，上周喺北美嘅票房累積到o依家都唔夠3萬蚊美金，明顯北美觀眾對於戲內嘅「中國式特技」等冇乜興趣，仲有人睇完話部戲特技落後，邏輯混亂。

《人民網》引述咗各大美國媒體對《捉妖記》嘅評語:

《洛杉磯時報》「CG動畫制造的妖怪們動作笨拙、不夠逼真，並且看起來缺乏可信的形象。」
《CinemaBlend》網站:「從一開始《捉妖記》的情節就是一團糟。它不光是講述得很糟糕，而且故事從這樣一種不合理的殘暴中展開，令你馬上就迷失在一個你很快就失去了興趣的世界裡。」
《華盛頓郵報》:「孩子們無疑會對著一個懷孕的男人笑出來，不過帶他們去看電影的大人們，恐怕就很難被這些元素逗笑了。」

睇完都好明點解會收得3萬美金...