人妻李心潔終於復工，走出導演老公彭順背叛嘅陰霾，更悄悄來港跟王維基密會傾合作。據知今次王維基以逾10萬元一集嘅高價片酬，力邀心潔拍重頭寫實網劇《風雲》，前日兩人在葵涌嘅港視基地閉門密斟，今早10時半，心潔亦終於正式現身，到位於葵涌健康街嘅泉基工業大廈進行試造型。

心潔今日一身白衫，牛仔褲，素顏，戴上黑超，同女助手坐七人車抵達上址。現場一早已有約30傳媒守候。只見車內嘅心潔不時咬唇又咬手指，又摸耳仔，雙手緊握，小動作不少，似是頗為緊張。

由於現場太多傳媒，故心潔由落車到入電梯短短路程都用咗成10分鐘。期間傳媒多番問及心情是否已平伏，與彭順關係是否沒變等問題時，心潔亦只是臉帶微笑，未有回應，只係講咗句:「唔好意思。」就上樓。不過心潔今日十指皆未有戴上婚戒。

心潔入電梯後，傳媒都一齊跟埋入去。最後心潔都好合作地，站在一角應大家要求影相，之後再上樓進行試造型。