去年反送中運動爆發，激發起 香港 人政治意識，2019年區議會選舉投票率創新高，建制派大敗，今年就到立法會選舉，不過武漢肺炎幾乎令社會癱瘓，一度令人擔心選舉未能如期進行。惟選舉事務處總選舉事務主任早前發出通函，招募2020年立法會選舉工作人員，並透露暫定2020年立法會換屆選舉暫定於今年9月6日舉行。

不少人呼籲黃絲陣營要搶攻立法會功能界別，昨日王喜在FB出post教朋友登記做體育、演藝、文化及出版界選民。今日王喜就被人以tag召喚，邵仲衡在FB貼出與王宗堯、黃毓民食飯相，並試水溫稱：「九月出戰，撐唔撐先？」並留tag「 香港人 要我哋出嚟參選」、「呼叫王喜」和「時代選中了你」。

相片貼出後網民反應不俗，不過邵仲衡回覆《蘋果》時就未有答實會否參選，強調未有定案：「十劃都未有一撇，度吓計仔先。」他稱幾個人都有事在身，他又要準備為ViuTV拍劇，暗示未必有時間，他並說：「唔好講咁多啦，有Game Plan先啦。」至於王宗堯以「哈哈哈。」回覆，又稱：「係未知數，而家大家都係吹下水先啦。」而被兩人召喚的王喜，就相當玄妙地答：「“Luckily, this is a call from Man, not from God”『幸好這召喚是來自人，不是來自神』」。